Достоевскийдің әдеби-мемориалдық музейінде Руслан Шақабаевтың “Терезелер” атты графикалық жұмыстарының жеке көрмесі ашылды

Көрме ескі Семейге арналған. Қарындашпен жеңіл салынған жұмыстардан көбінің бір жарым ғасырдан астам тарихы бар ескірген үйлердің сол келбетін сақталғаны байқалады. Олардың әрқайсысында өзіндік тарихы ерекше, атап айтсақ, сүйіп, еңбек етіп, қуанып, бала өсіріп, жақындарын соңғы сапарға шығарып салған, қайғырған ескі үйлердің қабырғаларында мыңдаған ойлар мен сезімдерді әкелген бірнеше ұрпақ өмір сүрген, – деп хабарлайды Abaynews.kz.

Сондықтан болар, Руслан Шақабаевтың жұмысындағы әрбір ғимарат шынайы тұрғыда көрінеді, әрқайсысының өз сырлары бар.

«Көптеген ондаған жылдар бойы үйлер қайта салынды, біреулері қайта жөнделді, бір жерде терезе салынды немесе керісінше терезе бекітілді. Олар адам сияқты өзгереді – біреуіне қамқорлық жасалынады, біреуі жоқ; үйлерде де солай», – дейді Руслан Шақабаев.

Бұл ретте оның туындыларынан ерекше жайлы жылулық сезіледі. Автор үйлердің сыртқы келбетін жеткізіп қана қоймай, бұрынғы қала туралы естеліктерді оятып, Семейдің сырт келбетіне деген нәзіктік, сағыныш сезімін бере білген.

Суретшінің өзі Семей қаласының ескі бөлігінің қала пейзаждарын дәл бейнелеуге деген ұмтылысын былай түсіндірді:

«Мен бір кездері қаланың татар слободасы деп аталған  ауданында тұрамын, қазіргі “Таткрай”. Мен өмір бойы осы көшелердегі бұрыннан таныс үйлердің жанынан өттім, жылдар өткен сайын үйлердің жастары ұлғайып, олардың бойларында сұлулық пайда болған болған сияқты түсініктер қалыптасты».

Көрменің «Терезелер» деп аталуы кездейсоқ емес. Егер адамда жанның айнасы көз деп аталса, онда үйлерде терезелер ішкі мәннің бірдей көрінісі болып табылады. Автор әр жұмысын кез-келген үйдің осы негізгі бөлігін салудан бастағаның айтады. Сондықтан көрмедегі суреттерде терезелер бейнеленген. Ескі, сарғайған перделердің артында әр түрлі,баршамызға танымал өмір көрінеді – бір жерде үі иесі тоқыма тоқуды кейінге қалдырса, бір жерде олар терезеге кептірілген тау гүлінің бұтағын қойған, бір жерде шам жанып тұр, ал бір жерде көзілдірік тұман болмас үшін жақтаулары жабылған, бір жерлерде терезе алдында күннің шуағына қыздырынып отырған мысық белгіленген, кейбір суреттерінде терезе ортасына төселген мақтада тұз бейнеленген. Көрме көрермендерге қала тұрғындарының терезелерін және Семейдің ескі үйлеріндегі терезерлердің қалай болғанын көруге мүмкіндік береді.

Көрмеге 2022 жылдың алты айында жасалған 58 жұмыс қойылған. Олар үш мезгілді білдіреді – жаз, күз және қыс. Бұл біздің өміріміздің ерекше күнтізбесін көрсетеді. Күзгі салқын басыла салысымен бәріміз Жаңа жылды күтіп, оған дайындықты бастаймыз. Бірақ ұзаққа созылған қысқы демалыстар тізбегі аяқтала салысымен, барлығы жазды күте бастайды, содан кейін жаңа жылдық мерекелерді қайтадан армандаймыз.

Ескі қаланың бұл пейзаждар циклі кәсіби журналистің шығармашылық болмысының көрінісі. Руслан Шақабаев 20 жылдан бері медиа саласында еңбек етіп келеді, оның жаңалықтар ТВК-6, 31 арна, 7 арна, Хабар және Хабар-24 арналары арқылы көрсетілді. Руслан үш жасынан бастап сурет салумен айналысты, балалар көркемсурет мектебі мен жоғарғы оқу орнының көркемсурет-графика мамандығын бітірген. Журналистика саласына барар алдында бірнеше жыл қаламыздағы № 6 гимназияда сурет пәнінің мұғалімі лауазымында ұстаздық қылды. Енді Руслан Шақабаев тіпті өз суреттеріне де редакциялық тапсырма ретінде қарайтынын – мен тез сурет салғым келеді, келесі қызықты үйді тез түсіргім келеді. Бірақ ең бастысы бұл емес – деп әзілдейді.

«Өкінішке орай, соңғы жылдары Семейде ескі ғимараттар тез жойылып барады. Біз, журналистер, қазір жаппай бұзылып жатқан бір үйді тым болмаса қорғап, сақтап қалғанымыз есімде жоқ. Соңғы 20 жылда бірде-біреуін қорғай алмадық. Үйлер із-түзсіз жоғалып кетеді. Сондықтан мен олардың кем дегенде сызбаларда қалғанын қалаймын », – деді суретші.

Сондықтан «Терезелер» атты көрме – Ертістегі ескі қаланың кетіп бара жатқан әлемі.

Abaynews.kz