Ақсуат аудандық ауруханасы жаңа құрал-жабдықпен толықты
Биыл аудандық ауруханаға: жаңа туған нәрестенің салмақ өлшеуіші – 1 дана, өкпені жасанды тыныс алдыру аппараты (СРАР) нәрестелерге және балаларға fabian Therepyevolution – 1 дана, электрикалық сорғыш насос Eurovac H-90 – 1 дана, науқас мониторы iM70, ересектер және балаларға арналған комплекті – 2 дана, феталды монитор F9 Express – 1 дана, босандыруға арналған трансформер төсек MDB-900 (медициналық көп функционалды) – 1 дана.
Жаңа құрылғыларды пайдалану үшін медицина қызметкерлеріне түсіндірме жұмысы жүргізілді. Аудандық аурухананың жұмыс сапасын арттыру мақсатында дәрігерлерге барлық жағдай жасалған.
Сондай-ақ, ауданда «Ауылдық денсаулық сақтауды жаңғырту» пилоттық жобасы аясында Үштөбе, Екпін ауылында 2 жаңа дәрігерлік амбулатория, Кіндікті ауылында фельдшерлік-акушерлік пункт, Мүрсәлім, Айнабастау, Ақжал, Қызыл Жұлдыз, Сұлутал, Көктөбек ауылында 6 медициналық пункт салу жоспарланған.